العنوان: "حوس تفهم"

 النوع:عرض كوميدي ساخر

 السينوبسيس:

بعد ما تضربو أزمة هوية كيف الصاعقة، "مدّ طاهر" يقرر يحوس باش يفهم... يفهم روحو، يفهم الناس، يفهم الدنيا، يفهم حتى علاش يحب يفهم!

يخرج من عالمو الصغير، يركب صاروخ متاع تخيّلاته، ويطيح في كواكب ما تشبهش بعضها: كوكب الانسان، كوكب الاجتماعي، كوكب العلاقات، وكوكب الجنون التام!

كل مرّة يقرّب باش يفهم، يكتشف إنو فهم حاجة جديدة ما تزيدو كان ...........

في عرض مليء بالوضعيات، "محمدّ طاهر" يحاول يفسّر العالم، أما العالم هو إلّي يحللو! ناس ، منطق ما عندوش منطق، وحياة ولات مسرح كبير كل واحد فيه يمثل دور ما يفهموش.

 الفكرة:

"حوس تفهم" مش كان عرض يضحّك، هو زادا رحلة في تفكير إنساني تعب من التناقضات، يحب يفهم كل شيء، أما يكتشف في الآخر إنو  السرّ موش في الفهم... السرّ إنك تضحك وتكمّل تحوس.